کیا شیخ رشید اور عائشہ عمر شادی کر رہے ہیں؟

عائشہ عمر ایک خوبصورت ماڈل اور اداکارہ ہیں جن کی زندگی کے ہر پہلو پر ان کے مداحین نظر رکھتے ہیں، ان کی شادی کے حوالے سے کئی بار افواہیں منظرعام پر آتی رہتی ہیں۔

گزشتہ دنوں ایک انٹرویو کے دوران ان سے سوال کیا گیا کہ فرض کریں کسی تباہی کے نتیجے میں صرف 5 افراد آپ کے ساتھ باقی بچیں، یہ پانچ افراد شیخ رشید، رانا ثنااللہ، قائم علی شاہ، چوہدری شجاعت اور طاہرالقادری ہوں تو آپ کس سے شادی کرنا پسند کریں گی؟

انہوں نے جواب میں کہا کہ وہ شیخ رشید کے ساتھ شادی کرنا پسند کریں گی کیونکہ وہ دلچسپ، مزاحیہ اور ہلکے پھلکے مزاج کے ہیں۔

گزشتہ دنوں ایک پریس کانفرنس میں شیخ رشید سے عائشہ عمر سے شادی کے متعلق سوال کیا گیا تو انہوں نے حیرت کا اظہار کرتے ہوئے پوچھا کہ عائشہ عمر کون ہیں؟

شیخ رشید نے یہ بھی کہا کہ اس عمر میں اب کون مجھ سے شادی کرے گا؟ تاہم سوشل میڈیا پر اس حوالے سے چرچے شروع ہو گئے ہیں اور کئی لوگ اندازے لگا رہے ہیں کہ اس مزاحیہ سوال جواب کے پیچھے کہیں کوئی حقیقت تو نہیں ہے۔

ایک پروگرام میں ہونے والے معصومانہ سوال کے جواب پر جس طرح شور مچا ہے اس پر شاید بات کا بتنگڑ بنانا کا محاورہ پورا اترتا ہے۔