کورونا وبا کے باعث ملک بھر میں مسافروں کے لیے ٹرانسپورٹ روک دی گئی تھی، تاہم لاک ڈاؤن میں نرمی کے بعد اسے بتدریج کھولا جا رہا ہے، اس سلسلے میں پاکستان ریلوے نے مزید 10 ریل گاڑیاں بحال کرنے کا اعلان کر دیا ہے۔
وفاقی وزیر ریلوے شیخ رشید احمد کا کہنا ہے کہ کورونا وبا سے قبل مسافروں کے لیے کل 142 ریل گاڑیاں چلتی تھیں، پہلے مرحلے پر 30 ٹرینیں چلائی گئیں اور اب یکم جون سے مزید 10 ریل گاڑیاں بحال کر دی گئی ہیں۔
معروف ٹی وی اداکار یاسر نواز، ندا یاسر اور نوید رضا کا کورونا ٹیسٹ مثبت آ گیا
کیا پاکستان، چین اور روس ایشیاء سے امریکی ڈالر کی حکمرانی ختم کرنا چاہتے ہیں؟
انہوں نے بتایا کہ ریلوے اسٹیشن کی حدود میں صرف مسافر آ سکتے ہیں جبکہ ٹرینوں میں تمام تر حفاظتی اقدامات کیے گئے ہیں۔
وفاقی وزیر نے بتایا کہ وزیراعظم کی اجازت ملنے کے بعد جلد مزید ٹرینیں بھی بحال ہو جائیں گی۔
کورونا وبا کے باعث ملک بھر میں معطل ٹرینوں کو 28 مئی سے محدود پیمانے پر بحال کر دیا گیا تھا، اب یکم جون سے مزید ٹرینیں بھی چلائی جا رہی ہیں۔
پاکستان میں عید کے بعد کورونا مریضوں کی تعداد میں بڑا اضافہ سامنے آیا ہے جبکہ روزانہ کی بنیاد پر اموات بھی بہت بڑھ چکی ہیں۔
اب تک پاکستان میں 71 ہزار سے زائد کورونا کے مصدقہ مریض سامنے آ چکے ہیں جبکہ 1520 اموات ہو چکی ہیں، 26 ہزار سے زاید مریض صحتیاب ہو کر گھروں کو واپس لوٹ چکے ہیں۔
