آمدن سے زائد اثاثہ جات اور منی لانڈرنگ کیس میں پیش نہ ہونے پر نیب نے آج قائد حزب اختلاف شہباز شریف کی ماڈل ٹاؤن میں واقع رہائش گاہ پر چھاپہ مارا ہے۔
اس موقع پر شہبازشریف گھر پر موجود نہیں تھے، نیب کی ٹیم ڈیڑھ گھنٹے کے قریب ان کا انتظار کرنے کے بعد جاتی عمرہ کی طرف روانہ ہو گئی۔
شہبازشریف نے خاموشی توڑ دی، حکومت اور نیب پر دھواں دھار تنقید
کورونا کے خدشات کے پیش نظر شہبازشریف کا نیب کے سامنے پیشی سے انکار
اس سے قبل شہباز شریف کورونا کو جواز بنا کر نیب کے سامنے پیش نہیں ہوئے تھے، انہوں نے گرفتاری کے خدشے کے باعث لاہور ہائیکورٹ میں عبوری ضمانت کی درخواست دائر کی تھی جس کی سماعت کل 3 جون کو کے لیے مقرر کی گئی ہے۔
نیب کے چھاپے کے ردعمل میں ن لیگی رہنما مریم اورنگزیب نے کہا ہے کہ نیب چینی اسیکنڈل پر وزیر اعظم عمران خان کو طلب کیوں نہیں کر رہی، چینی چوروں کو گرفتار کیوں نہیں کیا جا رہا؟
مسلم لیگ ن کے رہنما ملک احمد خان کا کہنا ہے کہ نیب کی ٹیم کو آتے ہی بتا دیا تھا کہ شہباز شریف یہاں موجود نہیں ہیں، یہ ادارہ ہراسمنٹ پھیلانے کے علاوہ کوئی کام نہیں کر رہا، اس سے قبل بھی انہیں صاف پانی کیس میں بلوا کر آشیانہ کیس میں گرفتار کیا گیا تھا۔
رانا ثنااللہ سے شہباز شریف کے متعلق پوچھا گیا تو انہوں نے کہا کہ مجھے علم نہیں کہ وہ کہاں موجود ہیں، میرے آخری رابطے تک وہ ہائیکورٹ میں موجود تھے۔
رانا ثنا اللہ نے کہا کہ شہباز شریف کل خود 11 بجے ہائیکورٹ کے سامنے پیش ہوں گے۔
