وفاقی حکومت اور صوبائی کابینہ کی سفارشات کی روشنی میں پنجاب میں لاک ڈاؤن سے متعلق حکومتی نوٹی فکیشن جاری کر دیا گیا ہے جس کے تحت تعلیمی ادارے، شادی ہال، پارک اور سینما ہال بند رہیں گے۔
سیکریٹری پرائمری اینڈ سیکنڈری ہیلتھ کئیر کیپٹن ریٹائرڈ عثمان خان کی جانب سے جاری کردہ اعلامیے میں کہا گیا ہے کہ کاروباری مقامات صبح 9 سے شام 7 بجے تک، سوموار تا جمعہ کھلے رہیں گے۔
مخصوص شعبوں کے علاوہ دیگر کاروبار ایس او پیز کے تحت کھول دیے جائیں گے، وزیراعظم
میڈیکل اسٹور، آٹا چکی، تندور، زرعی ورکشاپس 24 گھنٹے کھلی رکھنے کی اجازت ہو گی جبکہ کال سنٹرز کو 50 فی صد اسٹاف کے ساتھ کھلا رکھنے کی اجازت دے دی گئی ہے۔
اعلامیہ کے مطابق بین الاضلاع ٹرانسپورٹ 24 گھنٹے چلنے کی اجازت ہو گی، گروسری اور کریانہ سٹور پورا ہفتہ صبح 9 سے شام 7 تک کھلے رہیں گے۔
اعلامیے میں مزید بتایا گیا ہے کہ چرچ صرف اتوار کو صبح 7 سے شام 5 بجے تک عبادت کیلئے کھلے رہیں گے۔
سیکریٹری پرائمری اینڈ سیکنڈری ہیلتھ کئیر کے مطابق نوٹی فکیشن کا اطلاق 15جون تک ہو گا۔
