سندھ کے صوبائی وزیر کچی آبادی حاجی غلام مرتضیٰ کورونا وائرس کے باعث انتقال کر گئے ہیں۔
صوبائی وزیر کا 14 مئی کو کورونا ٹیسٹ مثبت آیا تھا جس کے بعد انہوں نے خود کو گھر میں قرنطینہ کر لیا تھا تاہم طبیعت زیادہ خراب ہونے پر انہیں ایک نجی اسپتال داخل کرا دیا گیا تھا۔
کورونا سے صحتیاب ہونے والے رکن قومی اسمبلی منیر خان اورکزئی انتقال کرگئے
حالت تشویشناک ہونے کے باعث انہیں انتہائی نگہداشت یونٹ وارڈ میں داخل کر دیا گیا تھا، وہ ملیر میں کورونا ٹاسک فورس کے انچارج بھی تھے۔
غلام مرتضیٰ بلوچ دو مرتبہ رکن صوبائی اسمبلی منتخب ہوئے تھے اور پیپلزپارٹی ضلع ملیر کے صدر بھی تھے۔
پاکستان پیپلزپارٹی کے چیئرمین بلاول بھٹو زرداری نے ان کے انتقال پر اظہار افسوس کرتے ہوئے کہا ہے کہ انہیں غلام مرتضیٰ بلوچ کے انتقال پر شدید صدمہ پہنچا ہے۔
چند روز قبل سندھ اسمبلی کے دو ارکان سعدیہ جاوید اور ساجد جوکھیو کا بھی کورونا کا ٹیسٹ مثبت آیا تھا جس پر انہوں نے خود کو گھر پر الگ تھلگ کر دیا۔
کورونا وائرس سے متاثر ہونے والے سندھ اسمبلی کے ارکان کی تعداد 8 ہو گئی ہے جن میں سے مرتضیٰ بلوچ کا آج انتقال ہو گیا۔
اب تک 8 میں سے 3 ارکان سندھ اسمبلی بیماری سے صحتیاب ہو چکے ہیں، دیگر متاثرہ ارکان میں پیپلز پارٹی کے رکن ڈاکٹر سہراب سرکی اور لیاقت آسکانی شامل ہیں۔
