پاکستان کے سابق فاسٹ بالر اور جنوبی افریقہ کے بلے باز ہرشیل گِبز نے 2000 میں شارجہ میں ہونے والے تاریخی میچ کے یادگار لمحات سوشل میڈیا پر شیئر کئے اور اس شاندار مقابلے کی تفصیلات بتائیں۔
انہوں نے کہا کہ 2000 میں ہونے والے اس ون ڈے میں پاکستان جنوبی افریقہ کے اوپنرز کو آؤٹ نہیں کر سکا تھا، اس کے باوجود پاکستان نے میچ میں فتح حاصل کی۔
جب تین کیچ ڈراپ کرنے پر فلنٹوف کو وسیم اکرم سے ڈانٹ پڑ گئی
وسیم اکرم اور وقار یونس کے درمیان محبتوں بھری دوستی دشمنی میں کیسے بدل گئی؟
شعیب اختر کا کیرئیر بچانے میں جگموہن ڈالمیا کا اہم کردار تھا، سابق چیئرمین پی سی بی کا انکشاف
شارجہ میں ہونے والے اس یادگار ایک روزہ میچ میں ہرشل گبز ناقابل شکست رہے جبکہ گیری کرسٹن چوٹ کی وجہ سے گراؤنڈ سے باہر چلے گئے اور باقی ٹیم کو پاکستانی بالرز نے شکار کر لیا تھا۔
اس میچ کے باعث پاکستان دنیا کی واحد اور منفرد ٹیم بن گئی جس نے مخالف ٹیم کے اوپنرز کو آؤٹ کیے بغیر ون ڈے میچ جیت لیا۔
ٹویٹر پر دونوں عظیم کھلاڑیوں نے اس میچ کا ذکر کرتے ہوئے اپنی تادیں تازہ کیں، گبز نے شعیب اختر کے سپیل کو یاد کرتے ہوئے ٹویٹ کیا اور کہا کہ ان کے سپیل نے ہماری ٹیم کو نقصان پہنچایا۔
گبز کی ٹویٹ پر شعیب اختر نے جواب میں پوچھا کہ کیا آپ کو یاد ہے کہ یہ سپیل بھی نہیں تھا بلکہ ایک اوور تھا اور ایسے گرم موسمی حالات میں مجھے ہمیشہ جلدی رہتی تھی۔
گبز نے بات کو آگے بڑھاتے ہوئے جواب دیا کہ آپ نے اس کی حدت میں مجھے للکار کر مزید اضافہ کیا مگرپارٹنرز کے آؤٹ ہو جانے کی وجہ سے میں کچھ نہیں کر سکا۔
اس کے بعد شعیب اختر نے فیلڈنگ کے دوران محسوس ہونے والی سنسنی کو یاد کرتے ہوئے کہا کہ وہ بھی کیا وقت تھا۔
مذکورہ میچ میں پاکستان نے ٹاس جیت کر پہلے بیٹنگ کا فیصلہ کیا تھا، ٹیم صرف 169 رنز بنا پائی تھی اس کے باوجود پاکستان نے یہ میچ 67 رنز سے جیت لیا تھا۔
