بھارت میں کورونا وائرس کا شکار ہونیوالے ایک شخص نے 36 دن وینٹی لیٹر پر گزار کر کورونا وائرس کو مات دے دی ہے۔
52 سالہ بھارتی شہری نیتیداس مکھرجی جب کورونا کی وجہ سے اسپتال پہنچے تو انکی بگڑی حالت دیکھ ڈاکٹروں کو لگا کہ انکا بچنا مشکل ہوگا۔ 11 اپریل کو ڈاکٹرسسوتی سنہا نے نیتداس کی اہلیہ کو فون پر بتایا تھا کہ شاید ان کا خاوند رات ہی مر جائے مگر کورونا سے شدید متاثر ہونیوالے اس شخص نے 36 روز وینٹی لیٹرز پر گزارنے کے بعد بیماری کو شکست دے دی۔
بھارت میں بندروں نے حملہ کر کے کورونا وائرس کے نمونے چرا لیے
بھارت کے امیر ترین شہر ممبئی میں کورونا کی تباہی کا آنکھوں دیکھا حال
بھارت میں کورونا کے خلاف حفاظتی سامان کی کمی پر بولنے والا ڈاکٹر دماغی اسپتال داخل
نیتیداس 30 مارچ کو تیز بخار اور سانس لینے میں دشواری جیسے مسائل پر کولکتہ کے اسپتال میں داخل ہوئے تھے۔ اسپتال پہنچنے پر ڈاکٹروں نے انہیں شوگر کی دوا دی اور کورونا کے ٹیسٹ کے لیے نمونے لے لیے۔ اگلے ہی روز ان میں کورونا کی تصدیق ہوگئی۔
ان کے جسم میں آکسیجن کی شدید کمی ہوچکی تھی جس کے بعد ڈاکٹروں نے انہیں وینٹی لیٹر پر ڈال دیا تھا۔ انہوں نے وینٹی لیٹر پر ایک ماہ سے زائد کا عرصہ گزارا اور زندگی کی طرف لوٹ آئے۔
بیماری کے اس طویل عرصہ کے دوران نیتیداس مکھرجی کئی دیگر انفیکشنز کا شکار بھی ہوئے۔ ان کا علاج کرنیوالی ڈاکٹر نے انکی زندگی بچانے کیلئے کی گئی کوشش کو کٹھن تجربہ قرار دیا ہے۔
کورونا کا شکار ہونیوالے نیتیداس مکھرجی کلکتہ کے مشہور سماجی کارکن ہیں۔
