کراچی: لیاری کھڈا مارکیٹ میں منہدم ہونے والی 5 منزلہ عمارت کے ملبے سے دو مزید لاشیں نکال لی گئی ہے جس کے بعد ہلاکتوں کی تعداد 8 ہو گئی ہے۔
عینی شاہدین کے مطابق جب عمارت گری تو اس میں 30 افراد موجود تھے جو اپنا سامان نکال کر جانے کی تیاری کر رہے تھے کیونکہ عمارت میں دراڑیں پڑنا شروع ہو گئی تھیں۔
ملبہ ہٹانے اور ریسکیو کا کام ابھی جاری ہے، حکام کے مطابق اس حادثے میں 10 افراد زخمی ہوئے ہیں جنہیں اسپتال داخل کرا دیا گیا ہے۔
وزیراعلیٰ سندھ مراد علی شاہ نے رہائشی عمارت گرنے کا نوٹس لیتے ہوئے بھرپور امدادی کارروائیوں کا حکم دیا ہے۔
انہوں نے سندھ حکومت کے متعلقہ اداروں سے کہا ہے کہ امدادی کارروائی مکمل ہونے کے بعد انکوائری رپورٹ پیش کی جائے۔
