وفاقی وزیر ریلوے شیخ رشید کا کورونا وائرس کا ٹیسٹ مثبت آیا ہے تاہم ان میں بیماری کی علامات موجود نہیں ہیں۔
وزارت ریلوے کے مطابق کورونا کا ٹیسٹ مثبت آنے کے بعد وہ قرنطینہ میں چلے گئے ہیں جہاں وہ 14 دن کے لیے الگ تھلگ رہیں گے۔
پاکستان میں کورونا کی وبا شدت اختیار کر گئی ہے، مریضوں کی تعداد ایک لاکھ 3 ہزار سے تجاوز کر چکی ہے جبکہ اموات کی تعداد 2067 ہو گئی ہے۔
کورونا وائرس کے باعث کئی قومی و صوبائی اسمبلی کے اراکین قرنطینہ میں جا چکے ہیں جبکہ کچھ کا وائرس کی وجہ سے انتقال ہو چکا ہے۔
وفاقی وزیر برائے سائنس و ٹیکنالوجی فواد چوہدری کئی بار کہہ چکے ہیں کہ اسمبلیوں کے ورچوئل اجلاس ہونے چاہئیں ورنہ یہ وبا اراکین اسمبلی میں پھیل سکتی ہے۔
انہوں نے خود کسی بھی اجلاس میں شرکت نہ کرنے کا اعلان کیا ہے۔
