سابق وزیر اعظم شاہد خاقان عباسی کا کورونا ٹیسٹ مثبت آ گیا جس کے بعد شاہد خاقان عباسی نے خود کو گھر میں آئیسو لیٹ کر لیا۔
ان کے اہلخانہ نے کورونا ٹیسٹ مثبت آنے کی تصدیق کر دی ہے۔
مسلم لیگ ن کے صدر اور قومی اسمبلی میں قائد حزب اختلاف شہباز شریف نے ان کے کورونا میں مبتلا ہونے پر افسوس کا اظہار کیا۔
انہوں نے کہا کہ شاہد خاقان عباسی پارٹی کا قیمتی سرمایہ ہیں، اللہ پاک انہیں صحت عطا کرے۔
چیرمین سینٹ محمد صادق سنجرانی نے انہیں ٹیلی فون کر کے خیریت دریافت کی اور ان کی جلد صحتیابی کے لیے دعا کی۔
شاہد خاقان عباسی نے خیریت دریافت کرنے پر چیرمین سینٹ کا شکریہ ادا کیا۔
