سوشل میڈیا کا استعمال دنیا میں مسلسل بڑھ رہا ہے اور صارفین کی تعداد میں روزبروز اضافہ ہو رہا ہے، یہی وجہ ہے کہ کمپنیاں اپنی پروڈکٹس میں جدت لانے کے لیے کوشاں رہتی ہیں تاکہ صارفین کو زیادہ سے زیادہ سہولیات مہیا کی جائیں۔
مائیکروبلاگنگ کی دنیا کی بڑی کمپنی ٹویٹر بھی اپنی پراڈکٹ میں مسلسل جدت لا رہی ہے، اس حوالے سے اس نے ایک اہم اعلان کیا ہے۔
ٹویٹر انتظامیہ نے صارفین کو خوشخبری دی ہے کہ بہت جلد وہ تحریر کے ساتھ ساتھ آڈیو ٹویٹس بھی کر سکیں گے، کمپنی کا کہنا ہے کہ پہلے 2 منٹ 20 سیکنڈ تک کی طوالت کی آڈیو ٹویٹس کی جا سکیں گی۔
گوگل پر یہ پانچ چیزیں کبھی سرچ نہ کریں
کورونا وبا کے دوران پاکستانیوں نے گوگل پر کیا سرچ کیا؟
گوگل کی 5 زبردست موبائل ایپس جن کے بارے میں کم لوگ جانتے ہیں
کمپنی نے کہا ہے کہ اگر آڈیو کی طوالت مقررہ حد سے بڑھ جائے گی تو وہ ایک تھریڈ کی شکل میں مزید حصوں میں خودبخود تقسیم ہو جائے گی۔
ان آڈیو ٹویٹس میں ریکارڈنگ شروع کرنے اور اسے درمیان میں روک کر پھر شروع کرنے کا آپشن بھی موجود ہو گا۔
کمپنی کے مطابق آڈیو ٹویٹ کا آپشن بائیں طرف نظر آئے گا، ریکارڈنگ کے بعد ٹویٹ کو پوسٹ کرنے سے پہلے اس کا کیپشن بھی لکھا جا سکے گا۔
فوری طور پر اس آپشن کو صرف آئی او ایس آپریٹنگ سسٹم والے محدود تعداد میں افراد استعمال کر سکیں گے لیکن آئندہ ہفتے تک یہ سہولت تمام آئی او ایس استعمال کرنے والے صارفین کو میسر ہو گی۔
اینڈرائیڈ صارفین کے لیے یہ فیچر ابھی موجود نہیں ہے تاہم امکان ہے کہ ان کے لیے بھی اسے جلد جاری کر دیا جائے گا۔
