حکومت پاکستان کی رپورٹ کے مطابق ملک بھر میں کورونا سے متاثرہ ہیلتھ ورکرز کی تعداد 4855 ہو گئی ہے۔
رپورٹ میں بتایا گیا ہے کہ گزشتہ 24 گھنٹوں میں مزید 68 ہیلتھ ورکرز وائرس کا شکار ہو گئے ہیں جن میں 40 ڈاکٹرز، 6 نرسیں اور 22 پیرامیڈکس شامل ہیں۔
کورونا وبا خطرناک مرحلے میں داخل ہو رہی ہے، عالمی ادارہ صحت کی وارننگ
برطانیہ میں جنوب ایشیائی باشندوں کی کورونا سے زیادہ اموات کیوں ہوئیں؟ نئی تحقیق
مجموعی طور پر پاکستان میں اب تک 2950 ڈاکٹرز کا کورونا ٹیسٹ مثبت آیا ہے، 583 نرسز اس وبا کا شکار ہیں جبکہ 1322 اسپتال ملازمین متاثر ہو چکے ہیں۔
رپورٹ کے مطابق کورونا کا شکار 2478 ہیلتھ کیئر ورکرز گھروں میں قرنطینہ ہیں، ملک میں 307 ہیلتھ ورکرز اسپتالوں میں زیرعلاج ہیں۔
رپورٹ میں بتایا گیا ہے کہ اسپتالوں میں زیرعلاج 302 ہیلتھ کیئر ورکرز کی حالت تسلی بخش ہے، ملک میں 2022 ہیلتھ ورکرز تاحال کورونا سے صحتیاب ہو چکے ہیں۔
اب تک پاکستان میں کورونا سے 48 ہیلتھ کیئر ورکرز کورونا کے باعث جاں بحق ہو چکے ہیں، ان میں سندھ 18، کے پی 10 ، بلوچستان سے 5 جبکہ گلگت بلتستان کے 3 ہیلتھ ورکرز انتقال کر گئے ہیں۔
رپورٹ کے مطابق تاحال پنجاب میں 8 اور اسلام آباد میں 4 ہیلتھ ورکرز کورونا کے باعث جاں بحق ہوئے ہیں۔
