وفاقی وزیر سائنس و ٹیکنالوجی فواد چوہدری نے پاکستان تحریک انصاف کے اندر جاری رسہ کشی کی تفصیل بتا دی۔
ایک ٹی وی انٹرویو میں انہوں نے بتایا کہ اسد عمر اور جہانگیر ترین کے درمیان مسلسل کشمکش جاری رہی، پہلے جہانگیر ترین نے اسد عمر کو وزارت سے نکلوایا اور بعد میں اسد عمر نے جہانگیر ترین کی چھٹی کرا دی۔
جہانگیر ترین بمقابلہ تحریکِ انصاف، انجام کیا ہو گا؟
بجلی پیدا کرنے والی کمپنیوں کا اس سے پہلے آڈٹ نہیں کرایا گیا، خواجہ آصف کا اعتراف
انہوں نے انکشاف کیا کہ پی ٹی آئی کے حکومت میں آنے کے بعد اسد عمر، جہانگیر ترین اور شاہ محمود قریشی کے اختلافات اسقدر بڑھ گئے تھے کہ سیاسی لوگ کھیل سے ہی باہر ہو گئے اور ان کی جگہ ایسے افراد آ گئے جن کا سیاست سے تعلق نہیں تھا۔
فواد چوہدری نے بتایا کہ پی ٹی آئی سے باہر کے لوگ نہ ہی عمران خان کے وژن کو جانتے ہیں اور نہ ہی ان میں کوئی صلاحیت ہے، انہوں نے وزیراعظم کو سب سے زیادہ نقصان پہنچایا ہے۔
ان کا کہنا تھا کہ عمران خان کو عوام نے نظام کی اصلاح کے لیے منتخب کیا تھا، معلوم نہیں کس نے انہیں یہ مشورہ دیا کہ وہ کمزور اور ڈکٹیشن لینے والوں کو عہدے دیں۔
