سعودی عرب کی حکومت نے اعلان کیا ہے کہ رواں برس وہ محدود پیمانے پر فریضہ حج کی ادائیگی کی اجازت دے گی۔
ٹویٹر پر جاری اعلان میں بتایا گیا ہے کہ صرف ایسے غیرملکی افراد یہ فریضہ ادا کر سکیں گے جو سعودی عرب میں مقیم ہیں۔
وزارت کی جانب سے جاری بیان میں کہا گیا ہے کہ چونکہ ہجوم کے باعث کورونا پھیلنے کا امکان بڑھ جاتا ہے اس لیے رواں برس محدود عازمین کے ساتھ اس فریضے کی ادائیگی ہو گی۔
کورونا وبا کے دوران سعودی عرب میں طلاقوں کی شرح میں 30 فیصد اضافہ
سعودی عرب کے زرمبادلہ کے ذخائر میں بڑی کمی واقع ہو گئی
جیل میں قید سعودی بادشاہ کی بھتیجی کا اپنی رہائی کے لیے خط سامنے آ گیا
بیان کے مطابق سعودی عرب میں مقیم دوسرے ممالک کے باشندے فریضہ حج ادا کر سکیں گے، یہ فیصلہ حج کو محفوظ طریقے سے ادا کرنے کے لیے کیا گیا ہے۔
وزارت کی جانب سے بیان میں مزید بتایا گیا ہے کہ لوگوں کی جان بچانے کے لیے اسلامی تعلیمات کے مطابق سماجی فاصلہ اور دیگر ضروری اقدامات کو یقینی بنانے کے لیے یہ فیصلہ کیا گیا ہے۔
عرب نیوز کی ایک رپورٹ کے مطابق گزشتہ برس عازمین حج کی تعداد 18 لاکھ سے زائد تھی تاہم رواں برس کورونا کے باعث یہ تعداد بہت کم رہے گی۔
