ایمریٹس ائیرلائن نے پاکستان سے دبئی کے لیے جاری اپنی مسافر پروازیں عارضی طور پر معطل کرنے کا اعلان کیا ہے۔
ائیرلائن کے ترجمان نے کہا کہ ہمیں افسوس ہے کہ پاکستان سے مسافر سروس آج 24 جون سے لیکر آنے والے ہفتے کے شروع تک عارضی طور پر معطل کر دی گئی ہے۔
انہوں نے اپنے اعلامیے میں بتایا کہ اسی دوران ایمریٹس پہلے سے اعلان کردہ شیڈول کے مطابق وطن واپسی کی پروازوں کو پاکستان میں جاری رکھے گا۔ اس کے علاوہ کارگو سروس کو بھی جاری رکھا جائے گا۔
پریس ریلیز میں مزید کہا گیا ہے کہ دوبارہ پروازیں شروع کرنے لیے ضروری تقاضوں کو پورا کرنے کے حوالے سے ہم متعلقہ حکام اور انتظامیہ سے رابطے میں ہیں اور جلد ہی آپریشن دوبارہ بحال کرنے کے منتظر ہیں۔
