بھارت نے چین کی مقبول ترین ایپ ٹک ٹاک کے مقابلے میں اپنی لپ سنکنگ ایپ ‘چنگاری’ لانچ کر دی ہے۔
بھارت اور چین کے درمیان ہمالیہ کی بلندیوں پر ہونے والی کشیدگی اور جھڑپوں کے بعد معاشی محاذ پر تلخی بڑھنے کا امکان بڑھ گیا تھا اور بھارت میں چینی مصنوعات کے بائیکاٹ کرنے کا مطالبہ زور پکڑ گیا تھا۔
بھارتی ایپ کو آغاز میں ہی غیرمعمولی مقبولیت حاصل ہو گئی ہے اور گزشتہ 72 گھنٹوں میں 5 لاکھ سے زائد صارفین نے اسے ڈاؤنلوڈ کیا ہے۔
ان پانچ ایپس کو اپنے موبائل سے فوراً نکال دیں
گوگل کی 5 زبردست موبائل ایپس جن کے بارے میں کم لوگ جانتے ہیں
فائیو جی ٹیکنالوجی دنیا میں کونسے انقلاب لا رہی ہے؟
بھارتی ایپ میں ٹاک ٹاک کی طرح مختصر ویڈیوز بنائی جا سکتی ہیں، اس کے ساتھ ساتھ اس میں پیغامات کی سہولت بھی گئی ہے جس کے باعث اس کا سماجی رابطوں کا پہلو بھی اسے مزید پرکشش بنا دیتا ہے۔
ایپ کے تخلیق کار بسواتما نائیک نے کہا ہے کہ جونہی بھارت کے شہریوں کو علم ہوا ہے کہ ان کے ملک میں اپنی ایپ آ گئی ہے تو ہمیں توقعات سے کہیں بڑھ کر ٹریفک مل رہا ہے۔
ٹک ٹاک اس وقت دنیا بھر کی مقبول ترین ایپس میں شامل ہے جسے بھارت میں کروڑوں افراد استعمال کر رہے ہیں تاہم چین بھارت کشیدگی کے بعد چینی مصنوعات کے بائیکاٹ کی مہم شروع ہو گئی ہے۔
چنگاری کی تیزی سے بڑھتی مقبولیت کے پیچھے قوم پرستی کے جذبات کارفرما ہو سکتے ہیں۔
