چیف جسٹس پاکستان جسٹس گلزار احمد نے سوشل میڈیا پر گردش کرنے والی ایک ویڈیو کا نوٹس لے لیا ہے جس میں عدلیہ کے ادارے اور معزز جج صاحبان کے متعلق تضحیک آمیز گفتگو کی گئی ہے۔
سپریم کورٹ کے پبلک ریلیشن افسر کی جانب سے جاری کیے گئے اعلامیہ میں کہا گیا ہے کہ چیف جسٹس نے کیس کی سماعت بینچ نمبر 1 کے سامنے کل مقرر کر دی ہے۔
ایک شیعہ ذاکر آغا افتخار الدین مرزا کی جانب سے کی گئی تقریر میں جسٹس قاضی فائز عیسیٰ کا بھی ذکر کیا گیا جس کو بنیاد بنا کر جسٹس عیسیٰ کی اہلیہ سرینا عیسیٰ نے تھانہ سیکرٹریٹ میں ایف آئی آر کے لیے درخواست دائر کی تھی۔
چیف جسٹس نے معاملے کا نوٹس لیتے ہوئے کیس کی سماعت کل کے لیے مقرر کردی۔
جسٹس عیسیٰ کی اہلیہ کی درخواست پراسلام آباد پولیس نے معاملہ سائبرکرائم قوانین کےتحت ایف آئی اے سائبر کرائم ونگ کوبھجوا دیا ہے.
