بھارت کی معروف ٹک ٹاک اسٹار سیا ککڑ نے خود کشی کر لی ہے، ان کی عمر 16 برس تھی اور ان کے ٹک ٹاک پر 11 لاکھ فالورز تھے۔
دہلی سے تعلق رکھنے والی سیا ککڑ بھارت میں بہت مقبول تھیں، وہ مختلف سوشل میڈیا پلیٹ فارمز پر بہت متحرک تھیں، ان کے انسٹاگرام پر بھی 91 ہزار سے زائد فالورز موجود تھے۔
سشانت سنگھ کے 50 خواب، اداکار کی ہاتھ سے لکھی تحریر سامنے آ گئی
سونو نگم نے بھارت کی میوزک انڈسٹری میں جلد خودکشی کا امکان ظاہر کیوں کیا؟
ٹک ٹاک پر اپنے رقص کی ویڈیوز باقاعدگی سے شیئر کرنے والی لڑکی کے مینیجر ارجن ساریں کا کہنا ہے کہ گزشتہ شام تک وہ بالکل ٹھیک تھیں، انہوں نے بدھ کی رات کو بھی اپنی ویڈیو اپ لوڈ کی تھی۔
بھارتی اخبار انڈیا ٹوڈے کے مطابق ان کے مینیجر نے کہا کہ سیا ککڑ سے ان کی گزشتہ رات ایک نئے پراجیکٹ کے متعلق بھی گفتگو ہوئی تھی اور وہ نارمل نظر آ رہی تھیں۔
انہوں نے بتایا کہ ان کی کمپنی سیا ککڑ کے علاوہ کئی دیگر فنکاروں کے کام بھی سنبھالتے ہیں۔
بالی وڈ کے فوٹوگرافر ویرال بھیانی نے اپنی اسٹاگرام پوسٹ پر لکھا ہے کہ ان کے منیجر کے مطابق وہ گزشتہ شب تک بڑے اچھے موڈ میں تھیں اور پوری طرح ٹھیک تھیں۔
