ٹک ٹاک نے ایک نیا برانڈ اور پلیٹ فارم متعارف کرا دیا ہے جسے ٹک ٹاک بزنس کا نام دیا گیا ہے۔
اس کا مقصد اشتہار دینے والوں کو صارفین سے جوڑنا ہے، اس برانڈ کے ذریعے اشتہاری مہموں کے لیے مناسب شراکت دار تلاش کرنے میں سہولت ہو گی۔
مختلف برانڈز کے اشتہار ٹک ٹاک اسکرین پر نظر آئیں گے، اسی طرح نیوز فیڈ میں موجود ویڈیوز پر ہیش ٹیگز اور چیلنجز بھی دکھائی دیں گے۔
اس میں 3 سے 5 سیکنڈز کے اشتہار نظر آئیں گی جو ویڈیو یا تصویری شکل میں ہوں گے۔
ہیش ٹیگز کے ذریعے مختلف برانڈز صارفین کو ان کے اردگرد مواد تیار کرنے کی دعوت دیں گے۔
اسی طرح ٹک ٹاک ایک نیا سنٹر بھی شروع کرنے کا منصوبہ بنا رہی ہے جہاں مارکیٹرز ٹِک ٹاک کی اشتہاری پیشکشوں کے بارے میں مزید معلومات حاصل کرسکیں گے۔
