بھارت میں گزشتہ 24 گھنٹوں کے دوران کورونا کے 17000 نئے مریض سامنے آ گئے ہیں جس کے بعد کیسز کی کل تعداد 5 لاکھ سے بڑھ گئی ہے۔
بھارت اس وقت مریضوں کی تعداد کے لحاظ سے امریکہ، برازیل اور روس کے بعد چوتھے نمبر پر آ چکا ہے، دلی سمیت کئی بڑے شہروں میں کورونا وائرس کا پھیلاؤ مسلسل بڑھ رہا ہے۔
بھارت کی 16 سالہ ٹک ٹاک اسٹار نے خودکشی کر لی
طیارہ حادثے میں بچ جانے والے ظفر مسعود کا تعلق بھارت کے کس مشہور خاندان سے ہے؟
ماہرین کے مطابق وبا کا پھیلاؤ جاری رہنے کا خدشہ ہے اس لیے حکومت کو اسے کم کرنے کے بجائے اموات کی شرح میں کمی کی جانب توجہ دینے کی ضرورت ہے۔
بھارت کی کورونا وائرس ٹاسک فورس کے ممبر ڈاکٹر منوج مرہیکر کا کہنا ہے کہ ہمیں مریضوں کے اعدادوشمار میں کھو جانے کے بجائے اموات میں کمی کی طرف توجہ دینی چاہیئے کیونکہ یہ اعدادوشمار مزید بڑھنے ہیں۔
یونیورسٹی آف مشی گن کے پروفیسر بھارمر مکرجی نے پیش گوئی کی ہے کہ بھارت میں 15 جولائی تک کورونا مریضوں کی تعداد 7 لاکھ 77 ہزار سے 9 لاکھ 25 ہزار ہو سکتی ہے۔
دو کروڑ کی آبادی پر مشتمل دارالحکومت دلی میں اس وقت 13 ہزار 200 بیڈز کورونا مریضوں کے لیے مختص ہیں جبکہ اگلے چند ہفتوں میں 20 ہزار مزید بیڈز متوقع ہیں جن کا انتظام بھارتی فوج اور اس کے ڈاکٹرز سنبھالیں گے۔
