متحدہ عرب امارات نے پاکستان سے آنے والی تمام پروازیں عارضی طور پر معطل کر دی ہیں، ان میں ٹرانزٹ فلائٹس بھی شامل ہیں۔
متحدہ عرب امارات کی جنرل سول ایوی ایشن اتھارٹی (جی سی اے اے) اپنی ٹویٹ میں بتایا ہے کہ جب تک پاکستان میں کورونا ٹیسٹوں کا باضابطہ نظام قائم نہیں ہو جاتا یہ پروازیں معطل رہیں گی۔
جی سی اے اے نے کہا کہ یہ احتیاطی تدبیر ہے جن کا مقصد 29 جون سے آگے تمام پروازوں کی صحت و تحفظ کو یقینی بنانا ہے۔
اس سے قبل ایمریٹس ائیرلائن نے 24 جون سے پاکستان سے دبئی کے لیے پروازیں روک دی تھیں، انہوں نے اپنے اعلامیے میں بتایا کہ اسی دوران ایمریٹس پہلے سے اعلان کردہ شیڈول کے مطابق وطن واپسی کی پروازوں کو پاکستان میں جاری رکھے گا۔ اس کے علاوہ کارگو سروس کو بھی جاری رکھا جائے گا۔
