پاکستان ایئرلائنز (پی آئی اے) نے متحدہ عرب امارات کے لیے پروازیں بحال کر دی ہیں۔
پی آئی اے کے ترجمان نے اپنے بیان میں کہا ہے کہ مسافروں کو پرواز روانہ ہونے سے 96 گھنٹے قبل مختص کی گئی لیبارٹریوں سے کورونا ٹیسٹ کرانا ہوں گے۔
بیان میں مزید کہا گیا ہے کہ تمام مسافروں کے لیے بورڈنگ کے وقت کورونا کی منفی رپورٹ ساتھ لانا لازم ہوگا۔
دبئی نے پاکستان سے آنے والی تمام پروازیں معطل کر دیں
ایمریٹس ائیرلائن نے پاکستان سے دبئی کے لیے پروازیں روک دیں
اسی طرح تمام مسافروں کو دبئی اتھارٹی کی جانب سے کلئیرنس سرٹیفیکیٹ بھی ساتھ لانا ہوگا، اس سرٹیفیکیٹ کے لیے آن لائن اپلائی کیا جا سکتا ہے۔
اسی طرح یو ای اے پہنچنے سے قبل ہیلتھ ڈیکلریشین فارم پر کرنا بھی ضروری قرار دیا گیا ہے۔
پی آئی اے کے ترجمان کے مطابق اب پی آئی اے کے دفاتر، ویب سائیٹس اور ایجنٹوں کے پاس ٹکٹس دستیاب ہیں۔
یاد رہے کہ متحدہ عرب امارات نے پاکستان سے آنے والی تمام پروازیں عارضی طور پر معطل کر دی تھیں، ان میں ٹرانزٹ فلائٹس بھی شامل تھیں۔
متحدہ عرب امارات کی جنرل سول ایوی ایشن اتھارٹی (جی سی اے اے) نے اپنی ٹویٹ میں کہا تھا کہ جب تک پاکستان میں کورونا ٹیسٹوں کا باضابطہ نظام قائم نہیں ہو جاتا یہ پروازیں معطل رہیں گی۔
جی سی اے اے کا کہنا تھا کہ یہ احتیاطی تدبیر ہے جن کا مقصد 29 جون سے آگے تمام پروازوں کی صحت و تحفظ کو یقینی بنانا ہے۔
