ہالی ووڈ کی معروف اداکارہ اور جان ٹروولٹا کی اہلیہ کیلی پرسٹن 57 برس کی عمر میں انتقال کر گئیں۔
جان ٹروولٹا نے انسٹاگرام پر اپنی پوسٹ کے ذریعے بتایا کہ میں بہت بوجھل دل کے ساتھ اطلاع دے رہا ہوں کہ میری خوبصورت بیوی کیلی بریسٹ کینسر کے خلاف اپنی دو سالہ جدوجہد ہار گئی ہیں، بہت سے لوگوں کی محبت اور سپورٹ کے باعث انہوں نے ایک دلیرانہ لڑائی لڑی ہے۔
سشانت سنگھ کے 50 خواب، اداکار کی ہاتھ سے لکھی تحریر سامنے آ گئی
بھارت کی 16 سالہ ٹک ٹاک اسٹار نے خودکشی کر لی
جان ٹروولٹا اور کیلی پرسٹن کی رفاقت 29 سالوں پر محیط تھی، پرسٹن نے ٹوینز، فرام ڈسک ٹل ڈان، جیری میگوائر اور اولڈ ڈاگز جیسی بڑی فلموں میں مرکزی کردار ادا کیا تھا۔
جان ٹروولٹا نے ان ڈاکٹرز اور نرسوں کا دل سے شکریہ ادا کیا جنہوں نے بیماری کے دوران ان کی اہلیہ کی دیکھ بھال کی تھی۔
ان کا ایک بیٹا جیٹ ٹروولٹا 16 برس کی عمر میں ایک دورے کے باعث جان سے ہاتھ دھو بیٹھا تھا جب وہ جنوری 2009 میں بہاماس میں چھٹیاں منا رہے تھے۔
ان کے دو اور بچے، ایلا بیلو اور بنجمن ہیں، ایلا نے اپنی انسٹاگرام پوسٹ میں لکھا کہ میں نے اپنی ماں جیسا بہادر، مضبوط، خوبصورت اور محبت کرنے والا کوئی اور نہیں دیکھا۔
