اپنی اہلیہ صدف زہرہ کی پراسرار موت میں مبینہ طور پر ملوث نجی چینل کے کرنٹ افئیر شو کے پروڈیوسر علی سلمان علوی کے جوڈیشل ریمانڈ میں 14 روز کی توسیع کردی گئی۔
روالپنڈی میں 29 جون کو صدف زہرا کی موت پر قتل کے الزام کے مرکزی ملزم علی سلمان علوی کے جوڈیشل ریماںڈ میں عدالت نے ایک بار پھر 14 روز کی توسیع دے دی ہے۔
مقدمہ کے تفتیشی افسر تھانہ ائرپورٹ کے سب انسپکٹر ظہور نے نقارخانہ سے گفتگو کرتے ہوئے بتایا کہ کیس کی تفتیش آخری مراحل میں ہے اور جلد کیس کا چالان عدالت میں پیش کر دیا جائے گا۔ ان کا کہنا تھا کہ شواہد کے مکمل فرانزک رپورٹ کا انتظار ہے جونہی مکمل رپورٹ مل جائے گی تو کیس کا چالان پولیس مکمل کرے گی۔
یاد رہے صدف زہرہ قتل کیس میں پولیس کے اعلی افسران کے نوٹس کے باوجود تفتیش سست روی کا شکار ہے، ڈاکٹر مہوش جو کہ اس مقدمہ کی مدعی ہیں کے مطابق پولیس کا تفتیش میں سست روی کیس میں انصاف کی راہ رکاوٹ ہے۔
ڈاکٹر مہوش ایف آئی اے کے سائبر کرائم ونگ میں بھی علی سلمان علوی کے خلاف جعلی فیک اکاؤنٹس اور لڑکیوں کو بلیک میل کر کے پیسے وصول کرنے کا بھی کیس لڑ رہی ہیں۔
انہوں نے الزام عائد کیا کہ سوشل میڈیا پر کچھ لوگ اس قتل کو خودکشی قرار دینے کی مہم چلا رہے ہیں اس پر ایف آئی اے اور پولیس کو ان لوگوں کے خلاف کارروائی کرنی چاہیے۔
