اجمان میں پھلوں اور سبزیوں کی مشہور مارکیٹ بری طرح آگ کی لپیٹ میں آ گئی ہے، آگ بجھانے کے لیے کئی فائر انجنز مارکیٹ میں پہنچ گئے ہیں۔
اجمان کے سول ڈیفنس ادارے نے گاڑیوں کو دوسرے راستوں کی طرف موڑ دیا ہے۔
عینی شاہدین کا کہنا ہے کہ آگ کا آغاز ایرانی بازار سے ہوا، یہ مارکیٹ انڈسٹریل ایریا میں واقع ہے جسے کورونا کے باعث بند کر دیا گیا تھا۔
اجمان کے فائر فائٹرز نے مارکیٹ کی طرف لوگوں کو جانے سے روک دیا اور کئی دکانوں سے ابھرتے شعلوں کو پانی اور فوم کے ذریعے بجھانے کی کوشش کر رہے ہیں
