محکمہ داخلہ نے خیبر پختونخوا میں تمام شعبہ جات کھولنے کا اعلامیہ جاری کر دیا ہے۔
اعلامیے میں کہا گیا ہے کہ شادی ہالز اور تعلیمی اداروں پر بندش بدستور برقرار رہے گی جبکہ مذہبی اجتماعات کے انعقاد کیلئے متعلقہ ضلع انتظامیہ سے اجازت لینا ہو گی۔
حکومت کا ریسٹورنٹ، سینما گھر، پارکس 10 اگست سے کھولنے کا اعلان
اعلامیے کے مطابق تمام تر ٹرانسپورٹ بھی کل سے کھولی جائے گی، متعلقہ ضلعی انتظامیہ رہنما اصولوں کو مرتب کرنے اور ان پر عمل درآمد کی ذمہ دار ہو گی۔ خلاف ورزی کی صورت میں کارروائی عمل میں لائی جائے گی۔
اعلامیے میں بتایا گیا ہے کہ تمام تر شعبہ جات، این سی او سی کے فیصلوں کی روشنی میں کھولے گئے ہیں۔
یاد رہے کہ وفاقی وزیر منصوبہ بندی اسد عمر ملک بھر میں ایس او پیز کے تحت ریسٹورنٹ، تھیٹرز اور سینما گھر 10 اگست سے جبکہ شادی ہالز اور تعلیمی ادارے 15 ستمبر کو کھولنے کا اعلان کیا تھا۔
وزیراعظم عمران خان کی سربراہی میں ہونے والے قومی رابطہ کمیٹی کے اجلاس میں کیے گئے فیصلوں کے مطابق مارکیٹوں پر وقت کی پابندی اور ہفتہ ، اتوار کی چھٹی ختم کر دی گئی، ریسٹورنٹس میں باہر اور اندر بیٹھنے کی اجازت دے دی گئی اور ہوٹلز کو بھی شاید کے فنکشن کرنے کی اجازت مل گئی۔
تعلیمی اداروں کے متعلق کہا گیا تھا کہ انہیں 15 ستمبر سے کھولا جائے گا تاہم 7 ستمبر کو آخری ریویو کیا جائے گا، 14 اگست کے لیے خصوصی احکامات جاری ہوں گے، محرم سے متعلق علمائے کرام کے ساتھ مل کر ایس اوپیز بنائی جا چکی ہیں۔
