کراچی کے مسائل حل کرنے کے لیے پاکستان پیپلزپارٹی، پاکستان تحریک انصاف اور متحدہ قومی موومنٹ نے مل کر کام کرنے کا فیصلہ کیا ہے۔
تینوں سیاسی جماعتوں کی اسلام آباد اور کراچی میں دو اہم ملاقاتیں ہوئی ہیں جن میں ایک مشاورتی کمیٹی اور ایک رابطہ کمیٹی بنانے کا فیصلہ کیا گیا ہے۔
ان ملاقاتوں میں گورنر سندھ عمران اسماعیل، وزیراعلیٰ سندھ سید مراد علی شاہ اور کراچی کے میئر وسیم اختر شامل تھے۔
ذرائع کے مطابق 13 اگست کو وزیراعلیٰ سندھ اور دو صوبائی وزراء نے ایک اہم شخصیت کے ساتھ ملاقات کی تھی جہاں پی ٹی آئی اور ایم کیو ایم کے رہنما بھی موجود تھے۔
اس ملاقات میں پیپلزپارٹی نے مشاورت کے لیے وقت مانگا تھا جس کے بعد ملاقاتوں کا دوسرا دور کراچی میں ہوا، اس میں ایک معاہدہ ہوا جس میں تینوں جماعتیں نے کراچی کے مسائل حل کرنے کے لیے مل کر کام کرنے کا عزم کیا۔
کراچی کی بہتری کے لیے رابطہ کمیٹی کے قیام کی وزیر بلدیات سندھ اور مرتضیٰ وہاب نے بھی کی، کمیٹی کے چیئرمین سید مراد علی شاہ ہوں گے اور اس میں اسد عمر، علی زیدی اور امین الحق بھی شامل ہوں گے۔
یاد رہے کہ پاکستان تحریک انصاف نے 2018 کے عام انتخابات میں کراچی سے 14 نشستوں پر کامیابی حاصل کی تھی، سندھ کی حکومت پاکستان پیپلزپارٹی کے پاس ہے جبکہ لوگ باڈیز انتخابات میں ایم کیو ایم نے کراچی سے اکثریت حاصل کی تھی۔
